لقطة Laqta CRM
لقطة معمول لفريق مبيعات بيستقبل مئات الليدز كل شهر: كل ليد بيدخل صندوق واحد، بيتوزّع لوحده على المستشار المناسب، وعدّاد الرد الأول بيشتغل — ولو اتأخر بيتصعّد لقائد الفريق. والمحادثة كلها محفوظة عند الشركة.
قبل النظام
الليد بيوصل.. والرد بيتأخر.. والعميل بيروح لغيرك.
في السوق العقاري الليدز بتيجي من كل حتة: واتساب، سناب، إنستجرام، تيك توك، عقار وبيوت، ومكالمات وزيارات. مفيش مكان واحد بيجمعهم، والمستشار بيحفظ عملاءه على موبايله الشخصي — ولو ساب الشركة بياخدهم معاه. الليد اللي بيتكلّم معاه في أول 5 دقايق احتمال يتأهّل أضعاف اللي بيستنّى نص ساعة، والمدير مش شايف مين رد ومين نسي. وأنظمة الـCRM العالمية ضعيفة في العربي وغالية بالدولار لكل مستخدم.
بعد النظام
صندوق واحد، عدّاد رد، وتوزيع عادل.
كل ليد بيدخل الصندوق الموحّد بمصدره، وبيتوزّع أوتوماتيك على المستشار حسب عبء شغله وتخصّصه ووجوده على الشيفت، وعدّاد الرد الأول بيشتغل بساعات العمل (وجدول رمضان). الصفقة ماينفعش تقعد من غير "الخطوة الجاية"، والخسارة لازم ليها سبب. والمدير بيشوف زمن الرد وتحويل كل مصدر وتكلفة الصفقة من كل منصة إعلانية.
جوّه النظام
أهم اللي بيعمله.
صندوق ليدز موحّد
واتساب وسناب وإنستجرام وتيك توك ومنصات العقار والمكالمات — كل محادثة محفوظة عند الشركة.
عدّاد الرد الأول والتصعيد
عدّاد حي بساعات العمل وإجازة الجمعة والسبت وجدول رمضان، ولو اتأخر يتصعّد لقائد الفريق.
توزيع ذكي وعادل
حسب عبء المستشار وتخصّصه في المشروع ووجوده على الشيفت — وسجل يثبت العدالة.
مسار صفقات بالسحب والإفلات
من أول تواصل لحد المعاينة والحجز والعقد، والخسارة لازم ليها سبب.
متابعة إجبارية
مفيش ليد مفتوح من غير خطوة جاية وموعدها، وقايمة "مهامي النهارده".
كشف التكرار بالعربي
تطبيع الأسماء (أ/ا، ة/ه، ى/ي) والأرقام (05 / 966+ / الأرقام الهندية) ودمج المكرر.
عروض أسعار وخطط سداد
عرض سعر للوحدة بخطة الدفعات وعمولة السعي وضريبة التصرفات العقارية — يتبعت واتساب.
لوحة المدير
زمن الرد، التحويل لكل مصدر، تكلفة الليد والصفقة لكل منصة، ولوحة شرف المستشارين.
من الشاشات
شكل النظام من جوّه.
البيانات اللي في الصور تجريبية — الأسماء والأرقام مش حقيقية.
مين بيستخدمه
- مدير المبيعاتكل الفرق والإعدادات ولوحة الأداء وتكلفة كل مصدر.
- قائد الفريقليدز فريقه ومسارهم والتصعيدات وإعادة التوزيع.
- المستشار العقاريليدزه ومحادثاته ومهامه النهارده.
شغّال على
- ويب
- موبايل (متصفح)
- ربط WhatsApp وإعلانات سناب وميتا
اللي اتغيّر
- ولا ليد يضيع بين الموبايلات والمنصات.
- تعرف مين بيرد في دقايق ومين بيسيب العميل يبرد.
- تعرف أنهي منصة إعلانية بتجيب صفقات فعلًا، مش ليدز رخيصة وبس.
عايز عمل شبه ده؟
احكيلنا العملية اللي بتاخد وقتك كل يوم، ونقولك بصراحة ينفع يتعمل لها نظام ولا لأ.